Erjon Kastrati është prej më meritorëve që Golden Eagle Ylli ka fituar titullin e dytë rresht të kampionit të Kosovës në basketboll.
Kastrati ka shfaqur ndeshje të mira gjatë gjithë edicionit. Ylli festoi në “Minatori” titullin e kampionit, të enjten mbrëma.
“Dua të falënderoj ekipin e Trepçës dhe tifozët e Trepçës. Jashtëzakonisht korrekt kanë qenë gjatë gjithë serisë. U dëshmua që edhe në Kosovë mund të luhen ndeshje cilësore. Kemi punuar gjithë vitin për këtë sukses dhe jam i lumtur që e kemi arritur. Është titulli i dytë rresht dhe kjo e bën të veçantë”, ka thënë Erjon Kastrati.
