Drejtori Sportiv i Lazios, Igli Tare, ka gjetur zëvendësuesin e Thomas Strakoshas.
Portieri shqiptar do të largohet nga Lazio në fund të sezonit, pasi nuk ka pranuar vazhdimin e kontratës.
Sipas “Il Messaggero”, Tare ka nisur bisedimet me menaxherin e portierit të Mallorcas, Sergio Rico.
Rico është i huazuar tek ekipi spanjoll nga Paris Saint-Germain deri në fund të këtij edicioni.
Portieri thuhet se është pajtuar me kushtet e ofruara nga klubi italian dhe gjatë verës do të transferohet në “Olimpico”.
