Sulmuesi polak Robert Lewandowski është i interesuar të transferohet te Barcelona.
Lewandowski këtë ua ka thënë zyrtarëve të Barcelonës, raporton “Sport” të dielën.
Reprezentuesi i Polonisë nuk është i kënaqur te Bayern Muencheni, pasi klubi bavarez i ka ofruar atij kontratë të re vetëm njëvjeçare. Kontrata aktuale i skadon në vitin 2023. Lewandowski dëshiron kontratë më afatgjate.
Lewandowski 33-vjeçar te Bayerni gjendet që nga vera e vitit 2014.
Në 28 ndeshje në Bundesligë këtë stinor ai ka realizuar 31 gola, ndërsa i ka realizuar edhe 12 gola në tetë ndeshje në Ligën e Kampionëve.
