Sport

Aliti shënon në barazimin e Zuerichut

Fidan Aliti ka gjetur golin me skuadrën e Zuerichut në barazimin 1:1 ndaj Grasshoppersit.

Zuerich nuk ka arritur më shumë se një pikë në derbin lokal të xhiros së 28-të të elitës së futbollit zviceran. Të parët në epërsi kaluan mysafirët me golin e shënuar nga Giotto Morandi në minutën e 50-të për 1:0.

Një pikë në këtë takim skuadrës së tij ia siguroi Fidan Aliti në minutën e 82-të për 1:1.

Te Zuerichu ndeshjen e kompletoi Fidan Aliti dhe Blerim Xhemaili, derisa në minutën e 60-të u inkuadrua Bledian Krasniqi.

Te Grasshoppersi në minutën e 73-të u inkuadrua Emir Lenjani.

Pas këtij barazimi Zuerich mban pozitën e parë me 63 pikë. Grasshoppersi është në pozitën e tetë me 28 pikë.