Kosova do të përfaqësohet me 41 sportistë nga 14 sporte të ndryshme në Lojërat Mesdhetare “Oran 2022”.
Lojërat Mesdhetare nisin më 25 qershor dhe përfundojnë më 5 korrik. Kështu është vendosur në mbledhjen e 10-të të mbajtur nga Bordi Ekzekutiv i Komitetit Olimpik të Kosovës nën drejtimin e kryetarit Ismet Krasniqi.
Është vendosur po ashtu që 13 sportistë nga shtatë federata ta përfaqësojnë Kosovën në Festivalin Olimpik Evropian Veror për të Rinj, që mbahet në Sllovaki prej 24 deri 30 korrik 2022.
Bordi i KOK-ut ka diskutuar edhe për hartimin e strategjisë kombëtare për sport dhe për hartimin e planit strategjik të KOK-ut për këtë vit.
“U vendos të dërgohet rekomandimi për mbështetje të përhershme financiare nga MKRS, për trajnerët e bodybuildingut, Esat Lata dhe Sabri Dragusha, për medaljet e fituara nga sportistët Kushtrim Bajraktaraj dhe Granit Kuleta në Kampionatin Botëror, respektivisht Kampionatin Evropian”, shkruan në njoftimin e BE të KOK-ut.
© KOHA. Të gjitha të drejtat janë të rezervuara.
