Të mërkurën nis “Final Fouri” i Ligës Unike në basketboll në konkurrencë të femrave, i cili do të mbahet në Prishtinë.
Në “Final Four”, janë kualifikuar katër skuadrat e para në pjesën e rregullt të sezonit, i cili për herë të parë është mbajtur në konkurrencën e femrave.
Prej gjashtë ekipeve pjesëmarrëse nga Kosova e Shqipëria, tri nga elita e basketbollit kosovar janë pjesëmarrëse në “Final Four”. Në gjysmëfinalen e parë, që luhet prej orës 16:00, do të takohen Penza me Bashkimin, ndërsa në orën 19:00 do të luhet gjysmëfinalja e dytë mes Prishtinës dhe Flamurtarit. Fituesit e dy ndeshjeve gjysmëfinale, do të luajnë në finalen e së enjtes (19:00) për trofeun e Ligës Unike, ndërsa prej orës 16:00 do të zhvillohet ndeshja për vendin e tretë. Të gjitha ndeshjet do të luhen në palestrën e vogël të Pallatit të Rinisë dhe Sporteve në Prishtinë, ku hyrja për të gjithë adhuruesit e këtij sporti është falas.
© KOHA. Të gjitha të drejtat janë të rezervuara.
