Sport

Strakosha mes Premier Leagues dhe Bundesligës

 

Portieri Thomas Strakosha sipas të gjitha gjasave nuk do ta rinovojë kontratën me Lazion që i skadon në verë, pasi agjenti i tij është në bisedime me klube nga Premier League dhe Bundesliga. Mediumet italiane kanë raportuar të hënën se Strakosha i ka bërë me dije krerëve të Lazios se do të largohet si lojtar i lirë pas përfundimit të sezonit aktual.

Po ashtu, Strakosha ka refuzuar ofertën e Lazios dhe ka ndërprerë negociatat pasi synimi i tij është që karrierën ta vazhdojë jashtë Italisë. Klubet angleze dhe gjermane që po interesohen për Strakoshën nuk janë bërë të ditura, por thuhet se ato i kanë premtuar 26-vjeçarit vendin e titullarit.