Sulmuesi i Bayern Munichut, Robert Lewandowski, ka pranuar se ende nuk ka marrë një vendim për të ardhmen e tij, por që është i hapur për çdo opsion.
E ardhmja e sulmuesit polak mbetet e pasigurt pasi ka kontratë me Bayernin deri në vitin e ardhshëm.
“Jam i hapur për gjithçka. Unë jam i qetë. Është e rëndësishme për mua që të jem në gjendje të fokusohem në lojën time. Gjithçka që mbetet për t’u bërë në lidhje me kontratën është një çështje dytësore dhe mbetet në plan të dytë”, deklaroi Lewandowski.
33-vjeçari këtë edicion është duke shkëlqyer te “bavarezët” ku në 33 ndeshje ka realizuar 39 gola.
