Peja – Ylli, derbi i xhiros së nëntë në Ligën Unike

Takimi ndërmjet Pejës dhe Golden Eagle Yllit do të jetë derbi i xhiros së nëntë në Ligën Unike në basketboll, që do të zhvillohet këtë mesjavë.

Kjo ndeshje do të zhvillohet të enjten prej orës 19:00 në palestrën “Karagaçi” në Pejë. Ylli është lider në Ligën Unike dhe ka një pikë më shumë se Peja që renditet në pozitën e dytë. Ndeshja e stinorit vjeshtor ndërmjet këtyre dy skuadrave, që ishte luajtur në Suharekë, kishte përfunduar me fitoren minimale, 93:92, të Yllit.