Sport

Australia konfirmon se Gjokoviqit ia ka ndaluar hyrjen për tri vjet

Novak Gjokoviq nuk do të mund të hyjë në Australi në tri vjetët e ardhshme, ka konfirmuar qeveria australiane. Tenistit serb i është anuluar viza dhe vendimi të dielën u mbështet nga Gjykata Federale.

“Ai anulim u mbështet nga Gjykata Federale dhe si rezultat i kësaj do t’i ndalohet hyrja për tri vjet në vend”, ka thënë ministrja e punëve të brendshme të Australisë, Karen Andrews.

Gjokoviq të dielën është larguar nga Australia dhe nuk do të luajë në Grand Slamin që mbahet në këtë vend. Por nga Australian Open ai do të mungojë edhe në vitet e ardhshme.