Sport

Atalanta ndal Interin

Atalanta dhe Interi kanë ndarë pikët duke luajtur baras të dielën, 0:0.

Skuadra nga Bergamo arriti ta ndalë serinë e Interit prej tetë fitoreve në Serie A. Takimin e dominoi kampioni në fuqi, Interi, që krijoi mori rastesh por nuk arriti t’i konkretizonte.

Edin Xheko, Marcelo Brezoviq dhe Alexis Sanchez provuan, por pa sukses.

Te Atalanta i rrezikshëm u tregua Luis Muriel.

Berat Gjimshiti luajti 90 minuta në këtë takim tek Atalanta.

Pas këtij barazimi Interi është lider në Serie A me 50 pikë, dy më shumë se Milani që është në pozitën e dytë.

Atalanta është në vendin e katërt me 42 pikë.