Rafael Nadal ka thënë se turneu “Australian Open” do të jetë i madh me ose pa Novak Gjokoviqin.
Spanjolli 35-vjeçar ka thënë se ka nisur të lodhet me situatën e serbit, i cili po dominon para fillimit të gjithë turneut.
“Nuk ka asnjë lojtar në histori që është më i rëndësishëm se një ngjarje sportive”, ka thënë Nadal.
Gjokoviqit 34-vjeçar iu refuzua viza për herën e dytë. Ky turne nis të hënën dhe përfundon më 30 janar.
Qeveria australiane e ka përshkruar Gjokoviqin si rrezik i shëndetit publik.
“Ka shumë pyetje të cilat kanë nevojë për përgjigje. Mendoj se do të ishte mirë të sqaroheshin të gjitha së shpejti. Të gjithë zgjedhin rrugën e tyre. E respektoj Novakun si person dhe si sportist, natyrisht, por nuk pajtohem me shumë gjëra që ai i ka bërë javët e fundit”, ka thënë Nadal.
