Edon Zhegrova sot u zyrtarizua si lojtari më i ri i Lilles, skuadrës që aktualisht është kampione e Francës.
Zhegrova u transferua në Ligue 1 për shtatë milionë euro, duke nënshkruar për katër vite e gjysmë dhe duke i dhënë fund aventurës me Baselin.
Por 22-vjeçari nuk është lojtari i vetëm shqiptar që do ta bartë fanellën e Lilles.
Për dy sezone, fanellën e katër herë kampiones së Francës e veshi edhe mesfushori Edvin Murati.
Murati zhvilloi 29 paraqitje për Lillen gjatë kësaj periudhe, duke shënuar një gol.
Për skuadrën e dytë të Lilles luajti edhe futbollisti që premtonte shumë, Agim Zeka, por pa arritur të depërtonte në skuadrën e parë. Zeka aktualisht është pjesë e Dritës.
© KOHA. Të gjitha të drejtat janë të rezervuara.
