Skuadra nga Premier Leagues, Leeds Unitedi ka bërë ofertë zyrtare për mesfushorin e Juventusit, amerikanin Weston McKennie.
Mediumet angleze kanë njoftuar të martën se Leedsi ka ofruar 30 milionë euro dëmshpërblim për transferimin e tij gjatë afatit kalimtar të janarit.
Leedsi po kërkon të forcohet në mesfushë dhe McKennie po shihet si përforcimi i duhur. 23-vjeçari ka kontratë me Juventusin deri në vitin 2025 kurse këtë sezon ka dy gola në 15 paraqitje për Juventusin në të gjitha garat. Ai iu bashkua Juventusit vitin e shkuar nga skuadra e Schalkes për 25 milionë euro.
