Jose Mourinho dëshiron të sjellë sulmuesin e Barcelonës, Memphis Depay në Romë, njofton “El Nacional” të hënën.
Holandezi u transferua te Barcelona nga Lyoni gjatë verës, por mund të konsiderohet shitja e tij vitin e ardhshëm, pasi po përpiqen të shlyejnë edhe më shumë borxhet e tyre rekord.
Roma mund të blejë Depayn për rreth 40 milionë euro. Mourinho ka punuar bashkë me holandezin te skuadra e Manchester United.
Sulmuesi 27-vjeçar në 19 ndeshje në të gjitha garat ka shënuar tetë gola dhe ka asistuar dy herë. Reprezentuesi i Holandës me Barcelonën ka kontratë deri në qershor të vitit 2023.
