Tottenhami e ka mbyllur një prej ndeshjeve më turpëruese në historinë 139-vjeçare të klubit.
Anglezët që luajtën me 10-të lojtarë në fushë prej minutës së 32-të, u mposhtën në udhëtim te Mura me rezultatin 2:1.
Sllovenët e Muras golin e parë e shënuan në minutën e 11-të nëpërmjet Tomi Horvat.
Ryan Sessegnon u ndëshkua me kartonin e dytë të verdhë në minutën e 32-të.
Shpresë vizitorëve u dha Harry Kane në minutën e 72-të kur shënoi pas asistimit të Lucas Mouras, por turpërimi erdhi në fund të duelit.
Amadej Marosha e devijoi një top në prekjen e fundit në ndeshje dhe e dërgoi topin prapa shpinës së portierit Pierluigi Gollini.
Rennes prinë në Grupin G me 11 pikë. Vitesse që barazoi me skuadrën franceze ka shtatë pikë në vendin e dytë dhe goldallim më të mirë se Tottenhami i vendit të tretë me shtatë pikë po ashtu.
Mura është e fundit me tri pikë.
-
25 nëntor 2021 21:12
-
Shpërndaje në: