3 perditesime
15:00

Mbyllet takimi, Dukagjini arkëton pikët e plota

Me dy gola në pjesën e dytë, Dukagjini ka arritur t’i marrë pikët e plota në xhiron e nëntë të Superligës në futboll.

Golat për Dukagjinin i shënuan Bujar Shabani në minutën e 68-të dhe Granit Elezaj në minutën e 94-t.

Nga minuta e 11-të, Malisheva luajti me një lojtar më pak në fushë. Me të kuq u ndëshkua Ardian Hoti.

Dukagjini pas nëntë ndeshjeve ka po aq pikë dhe renditet në vendin e tetë, ndërsa Malisheva mbetet në vendin e pestë me 12 pikë.

14:53

Elezaj dyfishon rezultatin për Dukagjinin

Granit Elezaj e ka dyfishuar rezultatin në Klinë.

Dukagjini është duke fituar ndaj Malishevës me rezultatin 2:0. Granit Elezaj në minutën e 94-t e shënoi golin e dytë.

Malisheva nga minuta e 11-të luajti me një lojtar më pak në fushë, pasi me të kuq u ndëshkua Ardian Hoti.

 

14:38

Dukagjini kalon në avantazh ndaj Malishevës

Dukagjini ka kaluar në avantazh në shtëpinë e vet ndaj skuadrës së Malishevës që është me një futbollist më pak në fushë.

Golin e avantazhit për klinasit e shënoi Bujar Shabani.

Mesfushori shtatlartë e shfrytëzoi harkimin e mirë të Arbër Shalës nga ana e majtë dhe realizoi me kokë në minutën e 69-të.

Ndeshja i takon xhiros së nëntë të Superligës së Kosovës në futboll.

13:22

Malisheva mbetet pa një lojtar, Hoti ndëshkohet me të kuq

Mbrojtësi i Malishevës, Ardian Hoti, është ndëshkuar me karton të kuq pas ndërhyrjes në Altin Merlakun në minutën e 11-të.

Kapiteni i Dukagjinit ishte në rast për të dalë i vetëm përballë portierit kundërshtar, por sipas gjyqtarit kryesor, Shpëtim Murtezi, Hoti ndërhyri në mënyrë të palejuar.

Dukagjini – Malisheva është ndeshje e javës së nëntë në Superligë dhe po zhvillohet në stadiumin “18 Qershori” në Klinë.

Pas 15 minutave lojë, rezultati është i barabartë 0:0, njësoj si në dy ndeshjet tjera, Gjilani – Ballkani dhe Prishtina – Llapi.