1 perditesime
14:09

Kosova arrin në Suedi

Përfaqësuesja e Kosovës në futboll ka udhëtuar të premten në mëngjes për në Stokholm të Suedisë, ndërsa ka arritur në Skandinavi rreth orës 14:00, ka njoftuar Federata e Futbollit e Kosovës.

Bashkë me skuadrën nga Prishtina ka udhëtuar edhe futbollisti i Legias së Varshavës, Lirim Kastrati.

“Dardanët” në orën 18:00 do ta mbajnë stërvitjen e fundit para ndeshjes në stadiumin “Friends Arena” në Solna, ndërsa përzgjedhësi Bernard Challandes dhe njëri nga lojtarët e përfaqësueses do të paraqiten në konferencën për media në orën 17:30.

Kosova të shtunën prej orës 18:00 takohet me Suedinë në kualifikimet për “Botërorin 2022”.

Prej fillimit të javës përfaqësuesja është përgatitur në Kosovë për ndeshjen e vështirë ndaj Suedisë. Grupi i lojtarëve është kompletuar vetëm të enjten.

09:33

Përfaqësuesja e Kosovës niset për në Suedi

Përfaqësuesja e Kosovës në futboll ka udhëtuar të premten në mëngjes për në Stokholm të Suedisë, ka njoftuar FFK-ja.

Kosova të shtunën prej orës 18:00 takohet me Suedinë në kualifikimet për Botërorin 2022. Prej fillimit të javës përfaqësuesja është përgatitur në Kosovë për ndeshjen e vështirë ndaj Suedisë. Grupi i lojtarëve është kompletuar vetëm të enjten.

Sot prej orës 18:00, futbollistët e Kosovës zhvillojnë stërvitje në fushën e stadiumit “Friends Arena” në Solna, ku nesër është ndeshja me Suedinë në po të njëjtën orë.