Ardian Nuhiu merr përgjegjësinë për humbjen nga Gjilani
Trajneri i Dritës, Ardian Nuhiu, ka marrë përgjegjësinë pas humbjes në derbin ndaj Gjilanit.
Trajneri shkupjan përgëzoi lojtarët e tij për angazhimin në këtë përballje.
“Një pjesë e parë e ekuilibruar, shumë e kujdesshme. Ishim pak më mirë por jo mjaftueshëm për ta rrezikuar kundërshtarin. Në pjesën e dytë në momentin më të mirë tonin nuk arritëm t’i shfrytëzonim rastet. Pastaj erdhi aftësia individuale e Prognit që hapi ndeshjen”, ka thënë Nuhiu.
“Nuk diskutohet, ishim me një lojtar më pak në fushë dhe me këtë rrezikuam më shumë. Më pas erdhi kundërsulmi dhe u realizua goli i dytë. Për këtë ndeshje si trajner unë marrë përgjegjësitë pasi lojtarët u angazhuan maksimalisht”, ka shtuar Nuhiu.
