Ekipet nga Premier League, Liverpooli dhe Leedsi kanë mbetur në garë për mesfushorin e Sampdorias, danezin Mikkel Damsgaard. Bëhet e ditur se skuadrat angleze po përpiqen ta bindin Sampdorian, që për lirimin e mesfushorit po kërkon të paktën 40 milionë euro.
21-vjeçari pati paraqitje fantastike në “Euro 2020” dhe po pëlqehet shumë nga Liverpooli e Leedsi. Damsgaard iu bashkua Sampdorias vitin e shkuar nga Nordsjaellandi kurse me ekipin nga Serie A, ka kontratë deri në vitin 2024. Këtë sezon, Damsgaard ka tri paraqitje për Sampdorian në të gjitha garat.
