Mërgim Berisha e ka shënuar golin e parë këtë edicion me fanellën e Red Bull Salzburgut pas kthimit të tij nga një lëndim.
Ai shënoi disa sekonda pasi hyri në fushë në ndeshjen që Salzburgu e fitoi përballë Austria Klagenfurtit me rezultatin 3:1.
Berisha u inkuadrua në fushë në minutën e 69-të, ndërsa golin e shënoi në minutën e 70-të.
“Kisha një ndjenjë të mirë. Unë e di që mund të gjuaj mirë nga gjuajtja e lirë dhe ishte një pozitë e mirë për mua”, tha Berisha për “Sky”.
Sulmuesi 23-vjeçar pati paraqitje të mira sezonin e kaluar me fanellën e skuadrës austriake. Ai shënoi 22 gola dhe asistoi 14 herë në 42 ndeshje në të gjitha garat.
