Atletja amerikane fajëson burriton për testimin pozitiv me doping
Foto: AP
Atletja amerikane Shelby Houlihan është suspenduar nga atletika për katër vjet pasi është testuar pozitive me një substancë të ndaluar. Ajo ka fajësuar ushqimin për këtë. Ka thënë se fajin e ka burrito që kishte ngrënë, raporton BBC.
28-vjeçarja thotë se është informuar në janar se në mostrën e saj i është gjetur steroidi nandrolon.
Olimpistja Houlihan thotë se kjo substancë mund të ketë qenë rezultat se ka ngrënë burrito me mish derri.
Ajo ka mohuar se ka marrë doping ndonjëherë.
Njësiti i Integritetit të Atletikës ka konfirmuar se asaj i është dhënë suspendim për katër vjet, suspendim që është konfirmuar edhe nga Gjykata e Arbitrazhit për Sport.
