Sport

Ylli i Liverpoolit ftohet te Guinea për miqësoren kundër Kosovës

Mesfushori i Liverpoolit, Naby Keita është ftuar te Përfaqësuesja e Guinesë për ndeshjen miqësore kundër Kosovës.

Përzgjedhësi i Guinesë, Didier Six ka publikuar të enjten listën prej 23 futbollistëve për ndeshjet miqësore të muajit të ardhshëm.

Keita është lojtar i Liverpoolit dhe kapiten i Guinesë.

Mesfushori 26-vjeçar ka debutuar te Guinea në vitin 2014 dhe deri më tani ka regjistruar 38 paraqitje duke realizuar tetë gola.

Këtë edicion, Keita ka 16 paraqitje për Liverpoolin në të gjitha garat.

Ndeshja miqësore ndërmjet Guinesë dhe Kosovës, do të zhvillohet më 8 qershor në Antalia kundër Turqisë.

Krahas Kosovës, Përfaqësuesja e Guinesë do t’i zhvillojë edhe tri miqësore tjera në Antalia, me Turqinë (31 maj), Togon (5 qershor) dhe Përfaqësuesen e Nigerit (11 qershor).