Sport

Erling Haaland, ylli dhe krenaria e fabrikës së futbollit në Bryne

Foto: AP
 

Dyert e sallave sportive në qytetin e qetë të Norvegjisë Bryne ishin gjithmonë të hapura – një ikje e mirëpritur për fëmijët vendas. Shumë talente futbolli u shfaqën, por një në veçanti u dallua: Erling Braut Haaland. Ishte në këtë qytet me rreth 12.000 banorë në një vend të fiksuar pas sporteve dimërore ku ndoshta futbollisti i ri më emocionues në botë doli për herë të parë në fushë.

“Ai gjithnjë shënonte shumë”, tha Alf Ingve Berntsen, një mësues i edukimit fizik në shkollën e mesme lokale që ishte trajner i Haalandit. “Kur ishte 12 vjeç, ai filloi të luante me 13-vjeçarët dhe vazhdoi të shënonte. Kur u zgjodh për ekipin rajonal, ai shënoi përsëri. Pastaj, kur ishte 15 vjeç, ai u thirr në ekipin e të rinjve të Norvegjisë dhe përsëri shënoi”.