Sport

Pas kalimit në Superligën e Zvicrës, Kreshnik Hajrizi shpreson që hapi i ardhshëm të jetë drejt Kosovës A

Pas kalimit në Superligën e Zvicrës, Kreshnik Hajrizi shpreson që hapi i ardhshëm të jetë drejt Kosovës A

Kreshnik Hajrizi ka bërë hap të rëndësishëm në karrierë. Prej ekipit të vendit të fundit në kategorinë e dytë të Zvicrës ka kaluar tek ekipi i vendit të tretë në Superligën helvetike. Mbrojtësi i qendrës do të luajë vetëm deri në fund të edicionit për Chiasson. Synon ta ndihmojë skuadrën që të mbetet në kategorinë e dytë zvicerane. Në verë do t’i bashkohet Luganos, me të cilën skuadër ka firmosur tashmë. Lugano aktualisht mban vendin e tretë në Superligë dhe është në pozitë të mirë për të siguruar daljen në gara evropiane.

 

Kreshnik Hajrizi kishte sakrifikuar që të paraqitet për Kosovën U21 në një periudhë të vështirë. Mbrojtësi i qendrës aktualisht po luan te Chiaso në kategorinë e dytë të Zvicrës. Por, prej edicionit të ardhshëm do të luajë në elitën e Zvicrës, për skuadrën e Luganos. Ai synon që të paraqitet me sukses në Superligë dhe kështu të bëhet kandidat për një vend në përfaqësuesen seniore të Kosovës në futboll

Kreshnik Hajrizi ka bërë hap të rëndësishëm në karrierë. Prej ekipit të vendit të fundit në kategorinë e dytë të Zvicrës ka kaluar tek ekipi i vendit të tretë në Superligën helvetike. Mbrojtësi i qendrës do të luajë vetëm deri në fund të edicionit për Chiasson. Synon ta ndihmojë skuadrën që të mbetet në kategorinë e dytë zvicerane. Në verë do t’i bashkohet Luganos, me të cilën skuadër ka firmosur tashmë. Lugano aktualisht mban vendin e tretë në Superligë dhe është në pozitë të mirë për të siguruar daljen në gara evropiane.

Hajrizi, që ka luajtur për Kosovën U21 më herët, thotë se lëvizja për në Lugano është një që e ka pritur shumë gjatë. Ai po e kompleton edicionin e dytë te Chiasso. Më herët ishte te të rinjtë e Young Boysit. Me ekipin U21 të Young Boysit luajti për tri edicione në kategorinë e tretë zvicerane. Me Luganon do të luajë në elitë.