Reus i kënaqur me fitoren e Dortmundit, te Sevilla shpresojnë në ndeshjen e kthimit

Kapiteni i Borussia Dortmundit, Marco Reus, është shprehur i kënaqur me fitoren e ekipit të tij në udhëtim ndaj Sevillas (3:2), në ndeshjen e parë të 1/8 së finales të Championsit.

Pas përfundimit të ndeshjes, Reus ka thënë se është optimist se Dortmundi do të avancojë në çerekfinale të kësaj gare pas triumfit në duelin e parë.

Ndeshja e kthimit mes këtyre dy skuadrave, do të luhet më 9 mars.

“Është një ndjejnë e mirë që e kemi fituar ndeshjen e parë. U treguam ekip kompakt dhe reaguam menjëherë pas golit të pranuar duke shënuar tri herë në pjesëlojën e parë. Në përgjithësi, patëm paraqitje fantastike në pjesëlojën e parë”, ka thënë Reus. “Në pjesën e dytë ishim paksa më pasiv dhe kjo na kushtoi me gol. Ishte një ndeshje më e vështirë se që kemi pritur, por në fund arritëm të fitojmë. E kemi edhe ndeshjen e kthimit, por me rëndësi është se kemi bërë një hap drejt çerekfinales”.

Ndërkohë, sulmuesi i Sevillas, Luuk de Jong, vlerëson se gjithçka mbetet e hapur për ndeshjen e kthimit.

“Gabimet në pjesën e parë na kushtuan shumë. U rikthyem në të dytën dhe patëm një ritëm të mirë të lojës. Mendoj se është shumë e rëndësishme që shënuam dy gola. Mendoj se gjithçka është e hapur në ndeshjen e kthimit për të cilën jam optimist”, është shprehur De Jong.

Borussia Dortmundi e ka fituar duelin e parë kundër Sevillas. Ndeshja e luajtur në stadiumin “Ramon Sanchez-Pizujan” përfundoi me rezultatin 3:2 në të mirë të ekipit gjerman.

Kjo ishte ndeshja e parë e 1/8 së finales të Ligës së Kampionëve, kurse e kthimit do të luhet më 9 mars.

Sevilla kaloi e para në epërsi me anë të mesfushorit Suso në minutën e tetë përpara se të reagonte Dortmundi duke shënuar tri herë rresht, me anë të Mohamoud Dahoudit (16’) dhe Erlind Haalandit (27’, 43).

Golin e dytë për Sevillan e realizoi sulmuesi Luuk de Jong (84’) për rezultatin përfundimtar të ndeshjes.

Sulmuesi holandez Luuk de Jong ka shënuar gol për Sevillan për ta ngushtuar epërsinë e Borussia Dortmundit në 3:2 në duelin që po luhet në Spanjë.

De Jong golin e shënoi në minutën e 84-t, duke e mposhtur portierin mysafir nga afërsia pas harkimit nga gjuajtja e lirë.

Borussia Dortmundi e ka mbyllur pjesëlojën e parë me dy gola epërsi, pasi në minutën e 43-të, realizoi sërish sulmuesi norvegjez Haaland. Për Haalandin, ky është goli i dytë në këtë takim.

Pas pjesës së parë të ndeshjes ndërmjet Sevillas dhe Dortmundit, rezultati është 1:3.

Sulmuesi Erling Haaland e ka kaluar Dortmundin në epërsi. Ai realizoi golin në minutën e 27-të nga afërsia pas bashkëveprimit me mesfushorin Jadon Sancho afër zonës.

Pas 40 minutave lojë, rezultati i ndeshjes Sevilla – Dortmund është 1:2.

Borussia Dortmundi ka barazuar rezultatin në 1:1 kundër Sevillas.

Në minutën e 16-të nëpërmjet mesfushorit Mahmoud Dahoud me një gjuajtje të fortë prej rreth 20 metrave pasi mori një pasim nga sulmuesi Erling Haaland.

Mesfushori spanjoll Suso e ka kaluar skuadrën e Sevillas në epërsi ndaj Borussia Dortmundit, në ndeshjen e parë në kuadër të 1/8 së finales të Ligës së Kampionëve.

Kjo ndeshje po luhet në Spanjë, derisa Suso e shënoi golin në minutën e tetë pas një gjuajtje prej rreth 18 metrave dhe intervenimit të dobët të portierit mysafir Marwin Hitz.

© KOHA. Të gjitha të drejtat janë të rezervuara.