“Kicker” e shpall Rexhbeçajn lojtar të xhiros në Bundesligë
Foto: kicker.de
16:23
“Kicker” e shpall Rexhbeçajn lojtar të xhiros në Bundesligë
Pasi është përfshirë në ekipin e xhiros nga “transfermarkt.de”, Elvis Rexhbeçaj ka marrë një njohje edhe më të madhe nga sajti tjetër i njohur gjerman, “Kicker”.
Revista e njohur e ka shpallur mesfushorin kosovar si lojtarin më të mirë të xhiros së 20-të të Bundesligës, që është luajtur fundjavën e kaluar.
Rexhbeçaj kishte shkëlqyer në fitoren 2:1 të Koelnit ndaj Borussia Moenchengladbachut. Ai kishte shënuar dy golat.
Rexhbeçaj për herë të parë është përfshirë në ekipin e xhiros nga “Kicker” dhe madje është zgjedhur lojtari më i mirë i xhiros.
16:14
Rexhbeçaj në ekipin e javës në Bundesligë
Mesfushori kosovar, Elvis Rexhbeçaj është përfshirë në ekipin më të mirë të javës në Bundesligë. Përzgjedhjen e ka bërë sajti i njohur “transfermarkt.de” në bazë të votave të lexuesve.
Rexhbeçaj shënoi dy gola për fitoren 2:1 të Koelnit ndaj Borussia Moenchengladbachut. Rexhbeçaj për herë të parë është pjesë në ekipin më të mirë të xhiros në Bundesligë. Ai po kalon formë të lartë te Koelni, skuadër ku është i huazuar nga Wolfsburgu.
Fundjavën e kaluar u luajtën ndeshjet e xhiros së 20-të në Bundesligë.
