Edin Xheko nuk dëshiron të largohet nga Roma. Mediat italiane kanë raportuar të dielën se sulmuesi boshnjak dëshiron të mbetet te skuadra kryeqytetase.

Megjithatë, raportohet se trajneri Paulo Fonseca nuk e dëshiron lojtarin në skuadër, pas problemeve të fundit. Drejtuesit e klubit të Romës janë në kërkim të një skuadre të re për Xhekon. Për sulmuesin boshnjak interesim ka shprehur Juventusi.

Ai është pjesë e Romës që nga viti 2016, kur u transferua nga Manchester City. Xheko këtë sezon në të gjitha garat ka shënuar tetë gola dhe ka realizuar dy asistime. Xheko së fundi ka pasur mosmarrëveshje me trajnerin Fonseca.