Sport

Spezia e Ismajlit në çerekfinale të Kupës, eliminon Romën pas vazhdimeve

Spezia e mbrojtësit shqiptar Ardian Ismajli ka kaluar në çerekfinale të Kupës së Italisë, pasi ka eliminuar Romën pas vazhdimeve, 4:2.

Ndeshja e rregullt prej 90 minutave u mbyll baras 2:2.

Andrey Galabinov dhe Riccardo Saponara shënuan të parët për Spezian në 15 minutat e parë dpër epërsinë prej dy golave.

Megjithatë, Roma arriti të kthehej, madje edhe me “ndihmën” e Ismajlit që shkaktoi penaltinë. Lorenzo Pellegrini shënoi nga penalltia në minutën e 43-të para se Henrikh Mkhitaryan të barazonte gjithçka në minutën e 73-të.

Në vazhdime, Daniele Verde dhe Riccardo Saponara shënuan për fitoren e Spezias.