Sport

Arteta thotë se Xhaka ishte fenomenal pas kartonit të kuq ndaj Burnleyt

Arteta thotë se Xhaka ishte fenomenal pas kartonit të kuq ndaj Burnleyt
Foto: Reuters
 

Trajneri i Arsenalit, Mikel Arteta ishte plot lëvdata për Granit Xhakën, duke thënë se mesfushori ka qenë “fenomenal” që nga ndëshkimi i tij me karton të kuq muajin e shkuar kundër Burnleyt.

Xhaka u përjashtua direkt me të kuq kundër Burnleyt më 13 dhjetor për shkak se kapi për fyti lojtarin kundërshtar Ashley Westwood. “Topçinjtë” e humbën ndeshjen 1:0 dhe vazhduan me rezultate negative duke pësuar rënie në tabelë. Megjithatë, forma e Arsenalit është përmirësuar me vonë, me ekipin e Artetas që në katër ndeshjet e fundit ka regjistruar tri fitore e një barazim për t'u ngritur në pozitën e 11-të në tabelë.