Skuadra e Liverpoolit ka fituar bindshëm ndaj Leicester Cityt në ndeshjen e së dielës. Takimi u mbyll 3-0 për skuadrën e Jurgen Kloppit.
Liverpooli fillimisht kaloi në epërsi nga një autogol i mbrojtësit mysafir, Jonny Evans, në minutën e 21-të të ndeshjes. Më pas, Liverpooli vazhdoi me sulme ndaj portës kundërshtare dhe pak para përfundimit të pjesës së parë, shënoi golin e dytë. Sulmuesi Diogo Jota shënoi për 2-0.
Në minutën e 86-të, Roberto Firmino vulosi rezultatin e ndeshjes për 3-0. Me këtë rezultat, ndeshja mbaroi dhe Liverpooli është ngritur në pozitën e dytë në tabelën e Premier Ligës. Ai ka grumbulluar 20 pikë, dy më shumë se Leicester City, që gjendet në pozitën e katërt.
-
22 nëntor 2020 22:08
-
Shpërndaje në: