1 perditesime
Sport

Salzburgut nuk i mjafton goli i Berishës për të marrë pikë në Madrid

Salzburgut nuk i mjafton goli i Berishës për të marrë pikë në Madrid
Foto: Reuters
22:59

Salzburgut nuk i mjafton goli i Berishës për të marrë pikë në Madrid

Mërgim Berisha ka realizuar një gol dhe ka asistuar një tjetër për Salzburgun sonte, por kjo nuk i ka mjaftuar ekipit austriak që të marrë pikë në ndeshjen në udhëtim ndaj Atletico Madridit.

Salzburgu ka pësuar humbje 3:2 ndaj Atletico Madridit në ndeshjen e Grupit A të Ligës së Kampionëve.

Berisha realizoi golin e dytë për Salzburgun në minutën e 47-të, dhe asistoi të parin që u shënua nga Dominik Szoboszlai në minutën e 40-të.

Për Atleticon shënuan Marcos Llorente (29’) dhe Joao Felix (52’, 85’).

Pas dy xhirove Salzburgu zë vendin e tretë në grup me një pikë. Grupin e kryeson kampioni në fuqi Bayern Muencheni me gjashtë pikë, ndërsa Atletico Madridi i ka katër pikë.

22:15

Berisha realizon gol kundër Atleticos

Sulmuesi kosovar Mërgim Berisha ka realizuar një gol dhe ka asistuar një për Salzburgun në ndeshjen kundër Atletico Madridit, në Grupin A të Ligës së Kampionëve.

Salzburgu është duke barazuar 2:2 në Madrid. Berisha realizoi golin e dytë të Salzburgut në minutën e 47-të dhe asistoi të parin të shënuar nga Dominik Szbolszlai në minutën e 40-të.