Sport

Daku ka më shumë gola se secila prej skuadrave të Superligës

Daku ka më shumë gola se secila prej skuadrave të Superligës

Sulmuesi i Ballkanit, Mirlind Daku, po kalon formë të lartë në sezonin aktual të Superligës së Kosovës në futboll. Sulmuesi nga Gjilani, që mban fanellën e skuadrës nga Suhareka, ka shënuar 12 gola në gjashtë ndeshje sa është paraqitur. 21- vjeçari ka shënuar dy herë nga tre gola (hat-trick), si dhe në tri ndeshje ka shënuar nga dy gola.

Deri më tani Daku nuk ka shënuar vetëm kundër Gjilanit, ndeshje që kishte përfunduar 0:0. Sulmuesi gjilanas ka mesatare prej dy golave për ndeshje, shifra që nuk i ka arritur askush në dekadën e fundit në futbollin kosovar. Madje Daku ka shënuar më shumë gola se secila skuadër e Superligës së Kosovës.