4 perditesime
Sport

Xhudisti japonez mposht serbin për të artën e parë me flamur të Kosovës

Xhudisti japonez mposht serbin për të artën e parë me flamur të Kosovës
Shigeki Nakamura e Laura Fazliu fituan medaljet e arta në Dubrovnik, kurse Flaka Loxha (majtas) dhe Erza Muminoviqi (djathtas), të argjendtat
17:46

Xhudisti japonez mposht serbin për të artën e parë me flamur të Kosovës

Shigeki Nakamura ka fituar medaljen e artë në Kupën Evropiane të xhudos që po mbahet në Dubrovnik të Kroacisë.

Ai në finale të kategorisë deri në 73 kg, të shtunën pasdite, mposhti xhudistin serb Aleksandar Rajiçiq me “ippon”. Deri në finale, ai fitoi edhe tri luftëra të tjera.

Nakamura para pak kohësh ka vendosur të përfaqësojë Kosovën në garat ndërkombëtare dhe në paraqitjen e parë, fitoi të artën.

Ndërkohë, Flaka Loxha ka humbur finalen e saj në Dubrovnik. Ajo u mposht nga italianja Veronica Toniolo me një “waza-ari” pas katër minutash luftë.

Deri në finale të kategorisë deri në 57 kg, Loxha kishte fituar dy lufta.

Më herët gjatë ditës, Laura Faziu fitoi medaljen e artë.

15:42

Laura Fazliu rrëmben të artën në Dubrovnik

Xhudistja Laura Fazliu ka shkëlqyer sot në Kupën Evropiane në Xhudo që po zhvillohet në Dubrovnik duke e rrëmbyer medaljen e artë.

Nga katër meçe ajo arriti të fitojë tre prej tyre, duke mbledhur 30 pikë, më së shumti nga pesë garueset në kategorinë 63 kilogramë, transmeton KOHA.

Në ndeshjen e parë ajo e mposhti xhudisten serbe Anja Obradoviq, derisa në të dytën e ka mposhtur kroaten Iva Oberan.

Ndeshjen e tretë ajo e fitoi ndaj sllovenes, Lia Ludvik. Kurse e humbi meçin e fundit ndaj serbes, Tea Tintor.

Në Dubrovnik janë duke garuar edhe xhudisti japonez Shigeki Nakamura, që përfaqëson Kosovën, si dhe Flaka Loxha, që të dy tashmë janë kualifikuar në finale.

15:00

Nakamura mposht xhudistin serb Stanojeviq, arrin në finale

Xhudisti japonez Shigeki Nakamura, që ka debutuar sot me Kosovën, ka arritur të kualifikohet në finale Kupës Evropiane në Xhudo që po zhvillohet në Dubrovnik.

Në kategorinë 73 kilogramë ai ka arritur të eliminojë në gjysmëfinale serbin, Gjorgje Stanojeviq, transmeton KOHA.

E edhe në finale ai do të përballet me një xhudist serb, Aleksandar Rajiçiqin.

Në dy meçet e para ai kishte mposhtur sllovenët, Aljaz Plantaku dhe Goran Kelavan.

13:51

Debutim i suksesshëm i japonezit Nakamura me Kosovën në xhudo

Xhudisti japonez Shigeki Nakamura ka bërë një debutim të suksesshëm me Kosovën.

Në Kupën Evropiane në Xhudo që është duke u zhvilluar në Dubrovnik ai ka arritur të kualifikohet në gjysmëfinale, transmeton KOHA.

Kualifikimin në gjysmëfinale Nakamura e siguroi pasi mposhti dy xhudistë nga Sllovenia, në kategorinë 73 kilogramë.

Së pari e mposhti Aljaz Plantakun, kurse në meçin e dytë ai e mposhti Goran Kelavan.

Në gjysmëfinale ai do të përballet me xhudistin serb, Gjorgje Stanojeviq.

Image
13:32

Flaka Loxha në finale, Fazliu fiton dy meçet e para në Dubrovnik

Flaka Loxha ka arritur të kualifikohet në finale të Kupës Evropiane në Xhudo që është duke u mbajtur në Dubrovnik.

Në kategorinë 57 kilogramë ajo ka mposhtur në ndeshjen e parë serben Teodora Çopiq, derisa në gjysmëfinale ajo e mposhti sllovenen Anna Marie Ograjensek.

Në finale atë e pret italiania Veronica Toniolo.

Kurse në këtë garë po merr pjesë edhe Laura Fazliu, e cila ka fituar dy ndeshje.

Në 63 kilogramë ajo ka mposhtur në ndeshjen e parë xhudisten serbe Anja Obradoviq, derisa në të dytën e ka mposhtur kroaten Iva Oberan.

Nga këto dy ndeshje Fazliu ka mbledhur 20 pikë.

Kjo është gara e parë ndërkombëtare pas 7 muajve për xhudistët kosovarë, shkaku i pandemisë.