Hendboll, Trepça sfidon Besën në hapje të edicionit

Të premten është hedhur shorti për Superligën e Kosovës në hendboll në të dy konkurrencat. Edicioni i ri starton më 11 tetor, ka njoftuar Federata e Hendbollit të Kosovës (FHK).

Në konkurrencën e meshkujve, Besa Famgas e nisë me ndeshjen ndaj Trepçës mbrojtjen e titullit të kampionit të Kosovës. Kjo ndeshje do të zhvillohet në Pejë kurse në duelet tjera të xhiros së parë do të luajnë: Prizreni – Kastrioti, Prishtina – Llapi, Zhegra – Drenica dhe Vushtrria – Vëllaznimi.