Sport

Krasniqi i bindur se në tentimin e tretë do ta fitojë titullin e kampionit të botës

Krasniqi i bindur se në tentimin e tretë do ta fitojë titullin e kampionit të botës

Rastin që e ka pritur gjatë, Haxhi Krasniqi më në fund e ka fituar. Ai do të boksojë për herë të tretë për titull të kampionit të botës në boksin profesionist.

Junikasi 33-vjeçar, më 10 tetor në “GETEC Arena” në Magdeburg të Gjermanisë do të përballet me gjermanin Dominic Boesel. Meçi është i vlefshëm për titullin e përkohshëm të botës në versionin WBA (World Boxing Association), në kategorinë gjysmë të rëndë. Po ashtu, vlen për titullin e botës në versionin IBO (International Boxing Organization). IBO nuk llogaritet në mesin e katër versioneve të forta të boksit profesionist, por është menjëherë pas tyre.