Sport

Zhegrova kthehet te Baseli për të vazhduar rrugën e suksesshme

Zhegrova kthehet te Baseli për të vazhduar rrugën e suksesshme

Edon Zhegrova është kthyer te skuadra ku edicionin e kaluar nisi të shfaqë vlerat. Reprezentuesi i Kosovës të martën është transferuar te skuadra e madhe zvicerane, Basel.

Me Baselin, sulmuesi 21-vjeçar i krahut ka firmosur kontratë të vlefshme deri në vitin 2023. Ai është transferuar nga Genku belg. Është largimi i dytë i Zhegrovës nga Genku për në Basel. Më 4 shkurt të vitit të kaluar, Zhegrova ishte huazuar te Baseli për një vit e gjysmë. Baseli kishte opsion që të blinte kartonin e Zhegrovës pas huazimit për një vit e gjysmë, por fillimisht këtë të drejtë nuk e shfrytëzoi. Megjithatë, Zhegrova ishte i vendosur të luante sërish te Baseli dhe skuadrat më në fund kanë arritur marrëveshje.