Sport

Drita përgatitet dhe testohet në Shqipëri për Sileksin

Drita përgatitet dhe testohet në Shqipëri për Sileksin
Foto: Driton Paqarada

Te kampionia e Kosovës në futboll, Drita, para disa ditësh kishte dilema se në cilin vend të Maqedonisë së Veriut t’i vazhdojnë përgatitjet për ndeshjen e raundit të dytë kualifikues të Ligës së Evropës. Në opsion kishin Strugën, Ohrin dhe Mavrovën. Por te skuadra gjilanase kanë ndërruar mendje.

Përgatitjet për ndeshjen kundër Sileksit të Maqedonisë së Veriut do t’i zhvillojnë në Shqipëri, ku edhe do t’i kryejnë testet për koronavirus para ndeshjes që do ta zhvillojë më 17 shtator në Shkup. Kërkesa për të mos i zhvilluar përgatitjet në shtetin ku edhe do ta luajë ndeshjen, Maqedoninë e Veriut, ishte e trajnerit nga Shkupi, Ardian Nuhiu, thotë drejtori i përgjithshëm i Dritës, Feti Murseli, të mërkurën, për KOHËN.