Sport

FFK-ja beson se kampionati do të rifillojë muajin e ardhshëm, klubet skeptike

FFK-ja beson se kampionati do të rifillojë muajin e ardhshëm, klubet skeptike

Komiteti Olimpik Ndërkombëtar (IOC), të martën, mori vendim t’i shtyjë Lojërat Olimpike “Tokio 2020” për verën e vitit të ardhshëm. Vendimin për shtyrje e ka arsyetuar me mbrojtjen e shëndetit të sportistëve nga koronavirusi, pandemi që tashmë ka prekur gjithë botën. Por, para IOC-së, ishte Konfederata Evropiane e Futbollit (UEFA) që mori vendim për të ardhmen e futbollit.

UEFA, ditë më parë shtyu Kampionatin Evropian për vitin 2021, e po ashtu mori vendim që kampionatet kombëtare të përfundojnë më së largu në fund të muajit qershori. UEFA, gjithashtu e caktoi 4 qershorin si datën kur do të zhvillohet edhe ndeshja e plejofit të Ligës së Kombeve në mes Maqedonisë së Veriut dhe Kosovës, e cila do të luhet në Shkup.