Sport

De Bruyne nuk mendon të largohet nga Manchester City

Ylli belg, Kevin de Bruyne, nuk mendon të largohet nga Manchester City, shkruan “The Athletic” të enjten, transmeton Koha.net.

Është raportuar për një largim të mundshëm të De Bruynes në verë, pasi Manchester Cityt i është ndaluar nga UEFA të marrë pjesë në Ligën e Kampionëve në dy stinorët e ardhshëm, për shkak të shkeljes së rregullit të Fer Plejit Financiar.

Mirëpo, De Bruyne është i lumtur te City dhe nuk mendon për largim. Belgu të mërkurën shënoi një gol dhe asistoi një tjetër në fitoren 2:1 të Cityt në udhëtim ndaj Real Madridit në ndeshjen e parë të 1/8 së finales të Ligës së Kampionëve.