4 perditesime
14:33

Ballkani në gjysmëfinale të Kupës

Ballkani është kualifikuar në gjysmëfinale të Kupës së Kosovës, raporton KTV.

Kjo, pas fitores prej 2 me 0 në udhëtim ndaj Dukagjinit.

Golin e parë e shënoi Blend Baftiu në minutën e 47. Kurse golin e dytë e shënoi Artur Magani pas dhjetë minutave.

13:57

Ballkani dyfishon epërsinë ndaj Dukagjinit

Ballkani ka dyfishuar epërsinë ndaj Dukagjinit.

Ishte Artur Magani ai që realizoi golin e dytë në minutën e 57 të takimit.

13:45

Baftiu kalon Ballkanin në epërsi

Ballkani ka kaluar në epërsi me të filluar pjesa e dytë në sfidën e sotme ndaj Dukagjinit në kuadër të Kupës së Kosovës.

Ishte Blend Baftiu ai që shënoi që minutën e 47 të ndeshjes, transmeton KTV.

13:29

Pa gola në pjesën e parë ndërmjet Dukagjinit dhe Ballkanit

Ka përfunduar pa gola pjesa e parë ndërmjet Dukagjinit dhe Ballkanit, raporton KTV.

Ballkani arriti të kalojë në epërsi përmes Blend Baftiut, në kohën shtesë të pjesës së parë, por goli iu anulua nga gjyqtari për prekje me dorë.

Kjo shkaktoi protesta të mëdha te Ballkani.

12:58

Dukagjini – Ballkani nis me një minutë heshtje

Ndeshja e sotme ndërmjet Dukagjinit dhe Ballkanit ka nisur me një minutë heshtje për vdekjen e doktorit Gjon Gjidoda, transmeton KTV.

Kjo ndeshje është e vlefshme për çerekfinale të Kupës së Kosovës në futboll.

Ndeshja është me eliminim direkt, dhe fituesi kalon në gjysmëfinale.