Manchester City ka shënuar fitore të lehtë ndaj Fulhamit në 1/16 e finales në FA Cup, për t’u kualifikuar në raundin tjetër të kësaj gare.
Skuadra e Pep Guardiolës shënoi fitore prej 4 me 0, transmeton Koha.net.
Fulhami e nisi shumë keq takimin, duke mbetur me një lojtar më pak në fushë qysh në minutën e gjashtë kur Ream u ndëshkua me të kuq.
E pas dy minutave City kaloi në epërsi përmes Gundoganit, i cili shënoi nga penaltia.
Kurse epërsinë e dyfishoi Bernardo Silva në minutën e 19 pas asistimit nga Fodeni.
Në pjesën e dytë kampioni anglez shënoi edhe dy herë, përmes sulmuesit Gabriel Jesus, që vendosi edhe rezultatin final të takimit.
© KOHA. Të gjitha të drejtat janë të rezervuara.
