Sport

UEFA rrit mundësitë për klubet shqiptare për t’u përfaqësuar në Evropë

UEFA rrit mundësitë për klubet shqiptare për t’u përfaqësuar në Evropë

Federata Shqiptare e Futbollit ka njoftuar klubet dhe opinionin sportiv shqiptar në lidhje me qarkohen më të fundit të UEFA-s, e cila informon lidhur me ndryshimet e formatit të garave të Ligës së Kampionëve, Ligës së Evropës dhe Ligës së Konferencës për ciklin 2021-2024.

Kështu, sipas qarkores 5/2000, ky format u jep klubeve shqiptare më shumë mundësi për të luajtur në fazën e grupeve të garave evropiane. Kjo do të ndikojë në motivimin e klubeve dhe angazhimin e tyre në arenën evropiane. Gjithashtu, kjo mund të ndihmojë klubet edhe nga ana financiare. Përmes këtij formati, të paktën 34 federata do jenë të përfaqësuara në fazën e grupeve, në një prej garave.