Shaqiri për largimin nga Liverpooli: Unë do ta bëj më të mirën që të qëndroj, nuk mund të them asgjë më shumë

Shaqiri për largimin nga Liverpooli: Unë do ta bëj më të mirën që të qëndroj, nuk mund të them asgjë më shumë

21 January 2020 13:54

E ardhmja e Xherdan Shaqirit duket se do të jetë në “Anfield".

Në mediat e huaja është raportuar se Shaqiri është duke menduar largimin nga Liverpool, pas interesimit të shumë klubeve evropiane.

Mediat angleze, gjatë ditës së sotme kanë raportuar se Liverpool ka refuzuar të gjitha ofertat për huazim të lojtarit nga Sevilla dhe Roma.

Kujtojmë që Shaqiri ka munguar në ndeshjen ndaj Manchester United, ku Liverpooli arriti të triumfojë, për shkak të një lëndimi. Shaqiri sot ka deklaruar se lëndimi i tij nuk është serioz dhe pritet të rikthehet javën e ardhshme.

“Nuk është diçka serioze, e pata një problem të vogël në stërvitje. Kështu që shpresoj të kthehem më vonë këtë javë. Le ta shohim, nuk mund të them asgjë për momentin, por shpresoj të kthehem. Unë po qëndroj pozitiv dhe unë ende tentoj ta kem mundësinë që ta jap më të mirën time dhe t’i ndihmoj skuadrës”, deklaroi Shaqiri.

Ish ylli i Bayern Munich dhe Interit, këtë sezon është paraqitur në dhjetë ndeshje në të gjitha garat për Liverpoolin. Gjashtë paraqitje ka bërë në Premier Ligë, duke shënuar edhe një gol./kp

Komentet

Shto koment

Të ngjashme