Sport

Prishtina e luan ndeshjen e sezonit pa lider dhe pa kapiten

Prishtina e luan ndeshjen e sezonit pa lider dhe pa kapiten

Kampionia e Kosovës në basketboll, Sigal Prishtina, është para ndeshjes më të rëndësishme të stinorit në FIBA Europe Cup. Të mërkurën (nesër, 19:00), në Pallatin e Rinisë dhe Sporteve, e pret ekipin nga Gjermania, Medi Bayreuth.

Nëse e mposht me nëntë pikë epërsi, siguron kalimin në fazën tjetër të garave, e nëse humb apo fiton me më pak se nëntë pikë epërsi, atëherë e mbyll për këtë vit në këtë garë. E ndeshjen vendimtare, Prishtina duhet ta luajë pa lojtarët vendimtarë, shkruan “Koha Ditore”. Lideri Dardan Berisha dhe kapiteni Edmond Azemi nuk do të jenë as në këtë ndeshje, pasi mbetën të suspenduar për shkak të kacafytjes mes vete në një ndeshje kampionale të Kosovës.