Sport

Policia shqiptare në Morinë gjen në autobusin me fansa kosovarë një çantë me fishekzjarrë

Policia shqiptare në Morinë gjen në autobusin me fansa kosovarë një çantë me fishekzjarrë

Policia e Shtetit shqiptar ka njoftuar se ka gjetur një çantë shpine me fishekzjarrë dhe kapsolla në një autobus të mbushur me tifozë nga Kosova të nisur për në Tiranë për të përcjellë ndeshjen mes Shqipërisë dhe Francës në “Arenën Kombëtare”.

“Policia Kufitare e Morinës, gjatë kontrollit të ushtruar së bashku me autoritetin doganor në autobusin me drejtues shtetasin kosovar B. M, gjeti një çantë shpine me fishekzjarrë dhe kapsolla, të cilat u sekuestruan në cilësinë e provës materiale. Në këtë autobus udhëtonin në mënyrë të organizuar shtetas kosovarë për të marrë pjesë në ndeshjen e futbollit Shqipëri-Francë”, ka thënë Policia e Shtetit, raporton Koha.net.