Jordan Henderson e Joe Gomez janë lënë jashtë ekipit të kombëtares Angleze për ndeshjen ndaj Kosovës.

Kapiteni i Liverpoolit Henderson, sipas SkySports, është i sëmur nga gripi qe një kohë, e ende nuk është shëruar, transmeton Koha.net.

Ndërsa Gomezi ka pësuar një lëndim në këmbë, pasi është përplasur gjatë stërvitjeve me Kieran Trippier të premten, ndërsa shpresonte që do të shërohej nga lëndimi, ai ka munguar në stërvitjen me kombëtaren pasi nuk është shëruar ende.

Këta dy lojtarë tani janë kthyer te Liverpooli, pasi që të dy janë pjesë e këtij ekipi ndërkohë ekipi anglez në krye me Gareth Southgate do të mbërrijnë në Kosovë sot, në orën 18:30.