Basha drejt Australisë Foto: Reuters

Basha drejt Australisë

17 September 2019 22:29

Ish-mesfushori i Kombëtares së Shqipërisë, Migjen Basha, pritet që karrierën ta vazhdojë në Australi.

Mediumet greke kanë raportuar të martën se Basha ka marrë ofertë joshëse për të luajtur në A-League dhe pritet që gjatë kësaj jave të shkëpusë kontratën me Arisin.

Emri i ekipit australian tek i cili pritet të transferohet Basha nuk është bërë i ditur. Basha 32-vjeçar, javë më parë u tërhoq nga Kombëtarja e Shqipërisë, kurse me Arisin ka kontratë deri në fund të këtij edicioni, transmeton Koha Ditore.

Ai këtë edicion nuk e ka regjistruar asnjë paraqitje në kampionatin grek, kurse karrierë ka bërë edhe te Bari, Luzerni, Como, Torino, Atalanta, Frosinone, Rimini, Viareggio, Lucchese e Lausanne. Prej vitit 2013, Basha ka regjistruar 33 ndeshje për Shqipërinë dhe ka realizuar tre gola.

© KOHA. Të gjitha të drejtat janë të rezervuara.

Komentet

Shto koment

Të ngjashme