Sulmuesit e Kosovës vazhdojnë me formë të lartë

Sulmuesit e Kosovës vazhdojnë me formë të lartë

26 August 2019 09:26

Me Arbër Zenelin dhe Milot Rashicën të lënduar, përzgjedhësi Bernard Challandes do të duhej të bënte zgjedhje të tjera për fazën ofensive, për ndeshjet e rëndësishme me Çekinë dhe Anglinë. 

Derisa Vedat Muriqi me formën që po kalon vetëm po çimenton statusin e tij si top-sulmuesi i Kosovës, kandidatë po dalin për të mbuluar pozitat e sulmuesve të krahut, me formën e lartë që po kalojnë së fundi, shkruan sot Koha Ditore.

Përzgjedhësi i Kosovës në futboll, Bernard Challandes, ende nuk ka publikuar listën për ndeshjet me Çekinë dhe Anglinë, ndërsa ai në fundjavë ka marrë sinjale pozitive nga një pjesë e lojtarëve ofensivë. 

Është e qartë që lista e Challandesit do të jetë pa Zenelin e Hekuran Kryeziun, por me shumë mundësi edhe pa Milot Rashicën e Herolind Shalën. Në dyshim është edhe Benjamin Kololli e ndonjë tjetër.

Por tifozët e Kosovës i gëzon forma e lartë e një pjese të lojtarëve para ndeshjeve të shtatorit. Sidomos Vedat Muriqi nuk ka të ndalur në ngritjen e tij.

 Pasi në verë iu bashkua gjigantit turk, Fenerbahçe nga Rizespori, sulmuesi i fuqishëm ka filluar shumë mirë stinorin në Superligën e Turqisë.

(Më gjerësisht lexoni në Koha Ditore)

Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.

© KOHA. Të gjitha të drejtat janë të rezervuara.

Komentet

Shto koment

Të ngjashme