Andy Ruiz: Dua t’i jap fund karrierës së Joshuas Foto: Reuters

Andy Ruiz: Dua t’i jap fund karrierës së Joshuas

24 August 2019 16:48

Kampioni i botës në boks, Andy Ruiz Jr ka thënë se dëshiron t’i japë fund karrierës së Anthony Joshuas pasi konfirmoi rimeçin në Arabinë Saudite.

Meksikani 29-vjeçar e shokoi britanikun në qershor në New York kur ia mori titujt WBA, IBF, WBO dhe IBO.

Ata pritet të ripërballen më 7 dhjetor në Lindjen e Mesme.

“E mposhta AJ në New York dhe mezi pres t’ia përfundoj karrierën në shkretëtirë”, ka thënë Ruiz, raporton BBC.

Meçi ishte njoftuar nga kampi i Joshuas më herët gjatë gushtit, por Ruiz nuk kishte konfirmuar pjesëmarrjen.

Të shtunën ai në rrjete sociale njoftoi se është “i lumtur që do të përballet sërish me Joshuan”.

“Në meçin e parë bëra historinë dhe u bëra meksikano-amerikani i parë kampion i botës në peshat e rënda. Jam falënderues për Arabinë Saudite që më ka ftuar”, ka shkruar ai.

© KOHA. Të gjitha të drejtat janë të rezervuara.

Komentet

Shto koment

Të ngjashme